الخوف شعور فطري موجود جوه كل انسان
و في عجله المشاعر بنقول انه نابع من
قلق من حدوث خطر محتمل
او رهبه وشعور بالضعف قدام موقف كبير
وبدل ما تشوف خوفك عائق بيوقفك قول لنفسك
ايه التصرف اللي ممكن اعمله في الموقف اللي انا فيه و اواجه به خوفي؟
لان في الغالب الخوف بيشاور لك على حاجه مهمه بالنسبه لك
زي تحقيق حلم، مواجه تحدي، اتخاذ قرار مصيري
وطول ما انت بتهرب من مواجه مخاوفك طول ما هتفضل خايف وقاعد في الcomfort zone منطقه الراحه
او اللي عقلك بيصور لك انها راحتك هنا ودي بتبقي خدعه عقلك بيخدعك بيها لانه مش عايزك تدخل تجارب جديده وخايف عليك من عواقبها ولو انت فكرت شويه هتلاقي نفسك مش مرتاح ومش مبسوط في منطقه الراحه ونفسك تواجه مخاوفك بس مش عارف
الخوف فرصه للشفاء الداخلي لانه بيكشف عن جروح قديمه جواك
علاجها انك تواجها طول ما بتخاف وتهرب هيفضل خوفك ملحقك من كذا حته لانك بتهرب منه وهو بينتصر لانه بيقتلك بالبطئ
في ناس بتعيش حياتها كلها خايفه من حاجات تخسرها بس لما جربت وخسرتها بدات فعلاً تحس انها عايشه واكتشفت بالتجربه ان مخاوفها مش اكتر من وهم كان موقفها انها تعيش الحياه
اتعلمي تتعاملي مع خوفك بوعي وتفكير ايجابي لو قدرتي تسمعيه وتفهميه وتواجهي هتلاقيه صديق مريح احياناً
وهتكتشف ان الحياه بعد مواجه الخوف اكتر امل وجرأه.
